دایكێك كە بە هاوكاری باندێك لە بەغداد دەیویست منداڵە ساوا تاقانەكەی بفرۆشێت، لەلایەن هێزەكانی ریشەكێشكردنی تاوان دەستگیركرا.
بەڕێوەبەرایەتیی ریشەكێشكردنی تاوانی بەغداد بڵاویكردەوە، زانیارییان پێگەیشت كە ژنێك بڕیاریداوە منداڵەكەی لە بەرامبەر پێنج ملیۆن دیناردا بفرۆشێت، هێزەكانیان هەوڵەكەیان پوچەڵكردووەتەوە.
هەروەك دایكەكە و سەرجەم ئەندامانی باندەكە دەستگیركراون و رووبەڕووی یاسا كراونەتەوە.
بەپێی راگەیەندراوەكە، منداڵەكە لە دەرەوەی پرۆسەی هاوسەرگیری لەدایكبووە و دایكەكە هەر بەو مەبەستە هێناویەتە دنیاوە.
