قوباد تاڵەبانی جێگری سەرۆك وەزیرانی هەرێمی كوردستان رایدەگەیەنێت، “چەندە دڵمان توند و خەفەتبارین بەم كارەساتە، هێندە پەرۆشی و هاوسۆزیی خەڵكی خۆمان بە نموونەیەكی باڵای جوانی دەبینین” .
دەشڵێت، “ئەمە دەرخەری ئەوەیە قوربانییەكان كچ و كوڕ و خوشك و برای هەموومانن، نەك تەنها یەك بنەماڵە و ئەمڕۆ هەموو كوردستان خاوەن پرسەیە”.
جێگری سەرۆك وەزیران راشیگەیاند، “دەبێت بە هەموو لایەكمان هاوكاریی ئەم خێزانە بەڕێزە بین، هەركەس لای خۆیەوە بەشێك لە ئازارەكانیان هەڵبگرێت، ئەمەش لەڕێگەی هاوكاریكردن و هاوسۆزبوون لەگەڵیاندا دەبێت”.
