سەرۆكی شارەوانیی سلێمانی سەردانی پڕۆژەی نیشتەجێبوونی ئەوین سیتی یەكی لە شاری سلێمانی كرد و پڕۆژەی ئاوەڕۆی سندوقی بۆ گەڕەكە ڕاگەیاند.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ شەممە لەیلا عومەر سەرۆكی شارەوانیی سلێمانی و “جوان فازیل” ئەندامی ئەنجومەنی شارەوانی، سەردانی پڕۆژەی نیشتەجێی ”ئەوین سیتی یەك”ی كرد و دروستكردنی پڕۆژەی ئاوەڕۆی سندوقی بۆ گەڕەكەكە ڕاگــــەیاند.
لە راگەندراوەكەدا هاتووە، پێشتر دانیشتووانی پڕۆژەكە چەندینجار لە ڕابردوودا داوایان لە لایەنە پەیوەندیدارەكان كردووە چارەسەری كێشەكانیان بكەن و ئەم پڕۆژەی ئاوەڕۆیە خزمەتێكی باش بە گەڕەكەكە دەكات و ژینگەیەكی تەندروست بۆ هاوڵاتییان.
