دوای دواخستنی بۆ ماوەی دوو کاتژمێر، کەمێک لەمەوبەر کۆبوونەوەی ئەنجومەنی نوێنەرانی عێراق دەستیپێکرد.
فەرمانگەی راگەیاندنی ئەنجومەنی نوێنەرانی عێراق بڵاویکردەوە، “کۆبوونەوەی ژمارە 11 ی ئەنجومەنی نوێنەرانی عێراق بە مەبەستی گفتوگۆکردن لەبارەی چەند پرۆژە یاسایەک دەستیپێکرد”.
ئاماژەی بەوەش کرد، “بە پێی بەرنامەی کاری کۆبوونەوەکە، سەرەتا خوێندنەوەی دووەم بۆ هاوبەشیکردنی هەردوو کەرتی گشتی و تایبەت دەکرێت، دواتریش خوێندنەوەی دووەم بۆ هەمواری سێیەمی یاسای کۆلێژی ئیمام ئەعزەم دەکرێت”.
ئاشکراشی کرد، “هەر لە کۆبوونەوەکەدا خوێندنەوەی دووەم بۆ پرۆژەی یاسای دەستەی نیشتیمانی چاودێری ئەتۆمی و تیشکی و کیمیایی و بایلۆجی دەکرێت و لە کۆتاییشدا خوێندنەوەی دووەم بۆ پرۆژە یاسای هەمواری سێیەمی یاسای پرۆژەکانی ئاودێری دەکرێت”.
