تەندروستیی جیهانی: نەخۆشییەکانی دەم و ددان نیوەی مرۆڤایەتییان گیرۆدە کردووە

ڕێکخراوی تەندروستیی جیهانی ڕایگەیاند، ڕاپۆرتەکانی ڕێکخراوەکە دەریدەخات نیوەی دانیشتووانی جیهان تووشی نەخۆشییەکانی دەم و ددان بوون، لەوانەش خراپبوونی ددان و پوک و شێرپەنجەی دەم و ددان.

ڕاپۆرتەکەی نەتەوە یەکگرتووەکان کە پشتی بە زانیارییەکان لە سەرتاسەری جیهاندا بەستووە دەریدەخات، ئەم دۆخە بە توندی کاریگەریی کردووەتە سەر ئەو وڵاتانەی هەژارن و دەستیان کەمتر دەگات بە خزمەتگوزارییە تەندروستییەکان.

تیدرۆس ئەدهانۆم گیبریسۆس سەرۆکی ڕێکخراوی تەندروستیی جیهانی ڕایگەیاندووە، لە سیاسەتی تەندروستیی جیهانیدا گرنگیدان بە تەندروستیی دەم و ددان پشتگوێخراوە، ئەگەر وەک پێویست گرنگی پێبدرێت دەتوانرێت بە چاودێری و ڕێکاری پێویست ئەو کێشەیە چارەسەربکرێت.

هەروەها 45%ی دانیشتووانی جیهان کە دەکاتە 3.5 ملیار کەس گیرۆدەی نەخۆشییەکانی پووک و دەم وددانن.

ڕاپۆرتەکە زیادبوونی نەخۆشییەکە لە 194 وڵات ڕووپێوی کراوە، نزیکەی یەک ملیار نەخۆش زیادیکردووە لە 30 ساڵی کۆتاییدا.

بەپێی ئەو راپۆرتە زیادبوونی ژمارەی نەخۆشییەکانی دەم و ددان دەرخەری ئەوەیە کە ژمارەیەکی زۆری خەڵک دەستیان ناگات بە خزمەتگوزارییە تەندروستییەکان لەو رووەوە.

ڕێکخراوی تەندروستیی جیهانی دەڵێت، ساڵانە نزیکەی 380 حاڵەتی نوێی شێرپەنجەی دەم و ددان دەستنیشان دەکرێت لە جیهاندا.

بابەتی پێشتر

دوایینیان دەگاتە ئەمریکا.. مووشەکە بالیستییەکانی کۆریا ئەمریکا تووڕە دەکاتە

بابەتی دواتر

بافڵ جەلال تاڵەبانی لە بەغداد لەگەڵ فەرماندەی گشتیی هێزەکانی هاوپەیمانان لە عێراق و سوریا کۆبووەوە

بابەتی پەیوەندیدار
زیاتر ببینە

کەمیی بەنزین کاری ئۆتۆمبێلەکانی فریاکەوتنی سلێمانییان راگرتووە

بەڕێوەبەرایەتیی تەندروستیی سلێمانی وەستانی کاری ئۆتۆمبێلەکانی فریاکەوتن “ئەمبوڵانسەکان”ی راگەیاند، هۆکارەکەی کەمیی بەنزینە لە بەڕێوەبەرایەتییەکە. سامان نادر بەڕێوەبەری فریاکەوتنی…
Total
0
Share