پارێزگاری سلێمانی رایدەگەیەنێت، ئەگەر هاوڵاتییان هاوكارمان بن ئەمڕۆ پڕۆسەی گەڕان بە دوای قوربانییانی تەقینەوەكەی گەڕەكی كازیوە كۆتایی دێت و دەشڵێت، ” تائێستا پێویستمان بەوە نەبووە كە تیمی دەرەكی بهێندرێت بۆ دۆزینەوەی قوربانییانی ڕووداوەكە”.
هەڤاڵ ئەبوبەكر پارێزگاری سلێمانی لە كۆنگرەیەكی ڕۆژنامەوانیدا رایگەیاند، ئەگەر هاوڵاتییان هاوكارمان بن ئەمڕۆ پڕۆسەی گەڕان بە دوای قوربانییەكان كۆتایی دێت.
راشیگەیاند، پێویستمان بەوە نییە تیمی دەرەكی بهێندرێت بۆ دۆزینەوەی قوربانییانی ڕووداوەكە لە ژێر داروپەردوی خانووە ڕووخاوەكە و تیمێكی تایبەت پێكهێندراوە و بە وردی ئەركەكانیان جێبەجێدەكەن.
ئاشكراشیكرد، تائێستا 10 كەس لە ڕووداوەكە گیانیان لەدەستداوە و 13 كەسی دیكەش برینداربوون.
