تەندروستیی سلێمانی: ژمارەی گیانلەدەستدان گەیشتە پێنج كەس

وتەبێژی بەڕێوەبەرایەتیی تەندروستیی سلێمانی رایدەگەیەنێت، ژمارەی گیانلەدەستدان و قوربانییانی ڕووداوەكەی گەڕەكی كازیوە گەیشتە پێنج كەس.

سامان شێخ لەتیف وتەبێژی بەڕێوەبەرایەتیی تەندروستیی سلێمانی لە لێدوانێكدا بە تۆڕی میدیایی ئێستای راگەیاند، یەكێكی دیكە لە قوربانیيانیانی ڕووداوەكەی گەڕەكی كازیوە لە شاری سلێمانی لە ژێر داروپەردوی خانووە ڕووخاوەكە دەرهێندرایەوە و بەوەش ژمارەی گیانلەدەستدان گەیشتە پێنج كەس.