پارێزگاری سلێمانی رایدەگەیەنێت، تیمەكانی بەرگریی شارستانیی سلێمانی لە هەوڵدان بۆ دەرهێنانی قوربانییانی ڕووداوەكە و دەشڵێت، هاوڵاتییان دڵنیادەكەینەوە كە ڕووداوەكە بەهۆی تەقینی تانكی غازی شلەوە بووە.
هەڤاڵ ئەبوبەكر پارێزگاری سلێمانی لە كۆنگرەیەكی ڕۆژنامەوانییدا ڕایگەیاند، بەپێی دوایین زانیارییەكان كە لە ئاسایشی سلێمانی و پۆلیسی سلێمانییەوە پێمان دراوە كە تانكی غازی شلەكە كاری تێدا كراوە بەهۆی ڕووداوەكەوە 20 كەس برینداربوون و منداڵێكیش گیانیلەدەستدا.
پارێزگاری سلێمانی جەختیكردەوە ڕووداوەكە پەلامار و هێرش نەبووە، بەڵكو بەهۆی تەقینی تانكی غازی شلی ماڵێكەوە بووە و داواشی لە هاوڵاتییان كرد هاوكاریی تیمەكان بكەن بۆ دەرهێنانی قوربانییەكان و لێكۆڵینەوەی هێزە ئەمنییەكان لە ڕووداوەكە.
