قائیمقامیەتی قەزای پێنجوێن رایدەگەیەنێت، بەهۆی خۆپیشاندانەكانەوە سبەینێ چوارشەممە نەوت دابەشناكرێت.
بەپێی راگەیەندراوێكی قائیمقامیەتی قەزای پێنجوێن كە وێنەیەكی دەست تۆڕی میدیایی ئێستا كەوتووە و تێیدا هاتووە، دانیشتووانی قەزای پێنجوێن و هەردوو ناحیەی گەرمك و ناڵپارێز ئاگاداردەكەینەوە كە لەلایەن بەڕێوەبەرایەتیی نەوت و كانزاكانی سلێمانییەوە ئاگاداركراینەوە كە سبەینێ چوارشەممە، بەهۆی خۆپیشاندانەكانەوە لە پێنجوێن ناتوانن نەوت بنێرن و بەو هۆیەوە سبەینێ نەوت دابەشناكرێت.
ئەوەش لەكاتێكدا كە هاوڵاتییانی سنووری قەزای پێنجوێن و دەوروبەری نیگەرانن و ئامادەنین یەك بەرمیل نەوت بە نرخی 103 هەزار دینار وەربگرن و داوادەكەن نرخەكەی كەمبكرێتەوە.
