دیداری كۆمپانیاكانی ژاپۆن و هەرێم لە هەولێر بەڕێوەچوو

دیداری ژمارەیەك لە كۆمپانیاكانی ژاپۆن و هەرێمی كوردستان بە سەرپەرشتیی وەزارەتی شارەوانی و گەشتوگوزار بەڕێوەچوو و ژمارەیەك هەلی كاری هاوبەش خرانەڕوو.

دیدارەكە ئەمڕۆ لە هەولێر بەڕێوەچوو، ساسان عەونی وەزیری شارەوانی و گەشتوگوزار خۆشحاڵیی خۆی بۆ زیاتر پتەوبوونی پەیوەندییەكانی هەرێمی كوردستان و ژاپۆن دەربڕی، بەتایبەتی هەماهەنگی لەگەڵ ئاژانسی جایكا و وتی، “ئەمە بەڵگەیەكی بەهێزە كە هەرێمی كوردستان ژینگەیەكی لەبارە بۆ كاركردن”.

ئەوەشی خستەڕوو، كۆمپانیاكانی وڵاتی ژاپۆن، بۆ بونیادنانی ژێرخانی هەرێمی كوردستان، هەموو پشتیوانییەكیان لە بوارەكانی راوێژكاری، ماستەرپلان، پرۆژەكانی ئاو و ئاوەڕۆ و چارەسەری ئاوی قورس لە چەند شارێكی كوردستان، مۆزەخانەی سلێمانی و چەندین بواری دیكە دەربڕیوە.

دیدارەكە بە هەماهەنگی ئاژانسی جایكای ژاپۆنی و ئاژانسی جێترۆی ژاپۆنی و ئامادەبوونی ژمارەیەك كۆمپانیای گەورەی ئەو وڵاتە بەڕێوەچوو، لەلایەن حكومەتی هەرێمی كوردستانیشەوە، نوێنەری تەواوی وەزارەت و فەرمانگە پەیوەندیدارەكان و ژمارەیەك لە كۆمپانیای ناوخۆییش لە دیدارەكەدا ئامادەبوون.

ساسان عەونی روونیكردەوە، ئەمە سێیەم دیدارە لە ماوەی دوو ساڵدا كە وەزارەتی شارەوانی و گەشتوگوزار لە نێوان كۆمپانیاكانی وڵاتی ژاپۆن و كۆمپانیاكانی كوردستان رێكیدەخات.

لە ماوەی رابردوودا بە شێوەی ئۆنلاین ئەم دیدارە سازكرا و زیاتر لە 80 كۆمپانیای وڵاتی ژاپۆن بەشداربوون.

بابەتی پێشتر

سەرۆکی دەستەی دەستپاکی عێراق دەستیلەکارکێشایەوە و شوێنگرەوەشی دیاریکرا

بابەتی دواتر

تیمی پارێزەرانی گیراوانی بادینان: چاوەڕێدەکەین دادگای پێداچوونەوە هەڵەکانی دادگای تاوانی هەولێر راستبکاتەوە

بابەتی پەیوەندیدار
زیاتر ببینە

تەرمی گەنجێک دۆزرایەوە

بەڕێوەبەرایەتیی پۆلیسی ئیدارەی زاخۆ رایگەیاند، تەرمی گەنجێکیان دۆزیوەتەوە کە هیچ شوێنەواری تاوان لەسەر جەستەی نەبووە. بەپێی راگەیەندراوی پۆلیسی…
Total
0
Share