لە رێگەی ئەنجومەنی نوێنەرانەوە، عێراق دۆسیەی دەركردنی هێزەكانی توركیا لە هەرێم دەجووڵێنێت.
“محەمەد شیاع سودانی سەرۆك وەزیرانی عێراق، دۆسیەی بوونی هێزەكانی توركیا لە عێراق و مەترسیداریی ئەو دۆسیەیە لەسەر سەروەریی عێراقی خستووەتە بەردەم ئەنجومەنی نوێنەران”، وەك محەمەد شمەری ئەندامی فراكسیۆنی دەوڵەتی یاسا لە ئەنجومەنی نوێنەران دەڵێت.
بەپێی وتەی شمەری، ئەنجومەنی نوێنەران دەیەوێت ئەو دۆسیەیە تاوتوێبكات و هێزەكانی توركیا و هێزە بیانییەكانی دیكە بكشێنەوە و حكومەت خشتە و وادە بۆ ئەو پرۆسەیە دیاریبكات.
محەمەد شمەری ئەندامی فراكسیۆنی دەوڵەتی یاسا لە ئەنجومەنی نوێنەران راشیگەیاند، “بڵاوبوونەوەی هێزەكانی توركیا لە باكووری عێراق مەترسیدارە و سەروەریی عێراق پێشێلدەكات”.
