29 تۆمەتبار لە شاری كەركوك دەستگیركران و پلەدارێكی ئەمنی هۆكارەكەی بۆ ئێستا ئاشكرادەكات.
موقەدەم عامری نوری وتەبێژی بەڕێوەبەرایەتیی پۆلیسی كەركوك بە ئێستای راگەیاند، هەڵمەتێكیان بۆ دەستگیركردنی تۆمەتباران و داواكراوان لە لایەن دادگاوە لە ناو شاری كەركوك بەرپاكردووە.
ئاشكرایكرد، هێزەكانی پۆلیس و هێزە ئەمنییەكان لە چەندین گەڕەكی شاری كەركوك خاڵی پشكنینیان داناوە و ماڵ و شوێنی ژمارەیەك تۆمەتبار گەڕاون، لە ئەنجامدا 29 كەس بە تۆمەتی جۆراوجۆر دەستگیركراون.
وتەبێژی بەڕێوەبەرایەتیی پۆلیسی كەركوك روونیكردەوە، سێ لە دەستگیركراوەكان بە ماددەی 4ی تیرۆر دەستگیركراون و دەستگیراوە بەسەر 12 ماتۆڕسكیل و 19 ئۆتۆمبێلی بێسەرەتادا.
