وەزارەتی دارایی و ئابوریی هەرێمی کوردستان، ئەمڕۆ یەکشەممە 6ی کانونی یەکەم، خشتەیەکی نوێی دابەشکردنی موچەی ڕاگەیاند و بەوپێیەش سبەینێ موچەی وەزارەتی دارایی و ناوخۆ دابەشدەکرێت.
لە ڕاگەیەنراوێکدا وەزارەتی دارایی و ئابوریی هەرێمی کوردستان ڕایگەیاند، “سبەینێ دووشەممە 7ی کانونی یەکەم، موچەی مانگی 10ی هەردوو وەزارەتی ناوخۆ و دارایی دابەشدەکرێت”.
لە ڕاگەیەنراوەکەدا هاتووە، “ڕۆژی سێشەممە 8ی کانونی یەکەم موچەی ھێزەكانی زێرەڤانی و بەرگری فریاكەوتن و بەڕێوەبەرایەتی گشتی ڕەگەزنامە”.
ئەمە لەکاتێکدایە بۆ مانگی تشرینی یەکەم حکومەتی عێراق هیچ بڕە پارەیەکی ڕەوانەی هەرێمی کوردستان نەکردووە، ئەمەش دوای ئەوەی یاسای پڕکردنەوەی کورتهێنان لەلایەن پەرلەمانی عێراقەوە پەسەندکرا و بەوپێیەش ڕەوانەکردنی 320 ملیار دیناری مانگانە بۆ هەرێمی کوردستان ڕاگیرا.
ئەمە لەکاتێکدایە پێشتر بە بڕیاری حکومەتی هەرێم موچەی مانگەکانی نیسان، ئایار، حوزەیران، تەموز و ئابی دابەشنەکرد، بەهۆی ئەوەی ئەو موچانە لە کابینەی پێشوودا فەوتاون و ئەم کابینەیە سەرجەم موچەکانی دابەشکردووە.
