وەزیری سامانە سروشتییەكان بە وەكالەت ڕایدەگەیەنێت، 70 ملیار دینار بۆ كڕینی نەوتی سپی بۆ ماڵان تەرخانكراوە و جەختیشدەكاتەوە لە 20ی مانگی ڕابردووەوە دەست بەدابەشكردنی نەوتی سپی لە ناوچە شاخاوییەكان كراوە.
كەمال محەمەد ساڵح، وەزیری سامانە سروشتییەكان بە وەكالەت ڕایگەیاند، 70 ملیار دینار بۆ كڕینی نەوتی سپی بۆ ماڵان تەرخانكراوە
لە 20 مانگی ڕابردووەوە، دەست بە دابەشكردنی نەوتی سپی لە ناوچە شاخاوییەكان كراوە و پاڵاوگەی لاناز ڕۆژانە توانای پاڵاوتنی 75 هەزار بەرمیل نەوتی خاوی هەیە، جگەلەوەش ڕۆژانە توانای بەرهەمهێنانی ملیۆنێك و 700 هەزار لیتر بەنزین و پێنج هەزار تۆن قیر و چەندین جۆری بەرهەمی دیكە هەیە و لە كاتژمێرێكدا توانای باركردن و ناردنی 240 مەتر سێجا نەوت و 270 مەتر سێجا گازوایل و 250 تۆن قیر و 330 مەتر سێجا بەنزینی هەیە.
