بەپێی ڕاپۆرتە ڕۆژنامەوانییەکانی بەریتانیا، یانەی ڕیاڵ مەدرید ئارەزووی کڕینی گابرێل جیسۆزی هێرشبەری بەڕازیلی یانەی ئارسناڵ دەکات.
ڕۆژنامەی “زە سەن”ی بەریتانی بڵاویکردووەتەوە، یانەی ڕیاڵ مەدرید بەنیازە لە کۆتایی وەرزدا ئۆفەرێک بۆ گواستنەوەی گابرییڵ جیسۆز پێشکەشی یانەی ئارسیناڵ بکات.
ئیدارەی شاهانە لە هاوینی ئەمساڵدا (2022) خواستیان لەسەر گواستنەوەی جیسۆز نیشانداوە، بەڵام بەهۆی نەبوونی پێگە بۆ یاریزانە بیانییەکان، نەیانتوانی درێژە بە دانوستاندنەکان بدەن، لە هەمان کاتدا سەرکەوتوو نەبوون لە فرۆشتنی ماریانۆ دیاز.
لە ئێستادا و دوای ئەوەی ئیدێر میلیتاو، ڤینیسیۆز جونیۆر، ڕۆدریگۆ توانیویانە ڕەگەزنامەی ئیسپانی بەدەستبهێنن، یانە زەبەلاحەکەی مەدرید جارێکی دیکە هەوڵەکانی بۆ جیسۆز دەستپێکردووەتەوە.
