رێژەی گەشەی ئابووریی عێراق لە ساڵی 2023 ئاشکرا کرا

سندوقی دراوی نێودەوڵەتی لە راپۆرتێکدا رێژەی چالاکییە ئابوورییەکان بۆ ساڵی 2023 لە جیهانی عەرەبی ئاشکرادەکات.
 
سندوقی دراوی نێودەوڵەتی لە راپۆرتێکدا بڵاویکردووەتەوە، “ژینگەی ئابووری لەسەر ئاستی جیهانی لەم ماوەیەی دواییدا ناجێگیری بەخۆیەوە بینیوە، بەهۆی ئەو شەڕەی لە نێوان رووسیا و ئۆکرنیا دروستبووە هاوکات ئەو سزایانەی بەسەر رووسیادا سەپێندراوە کە تا ئێستاش بەردەوامی هەیە”.
 
ئاماژەی بەوەش کردووە، “دۆخی ئابووری بەراورد بە نیوەی یەکەمی ئەمساڵ لە جێگیریدایە، بەڵام تێکڕای هەڵاوسان بە شێوەی خێرا لە رۆژهەڵاتی ناوەڕاست لە زیادبووندایە، هیچ دڵنیاییەک لە دۆخەکەدا نییە و ئەگەری روودانی گۆڕانکاریی سلبی هەیە”.
 
ئاشکراشی کردووە، ” لە ناوچەکەدا کۆی گەشەی بەرهەمی ناوخۆیی راستەقینە لەمساڵدا %5.0 بەرزبووەتەوە لەکاتێکدا لەساڵی 2021 تەنها %4.1 بووە”.
 
هەر لە راپۆرتەکەی سندوقی دراوی نێودەوڵەتیدا هاتووە، “بۆ ساڵی داهاتوو گەشەی ئابووری لیبیا پلەی یەکەمی دەوڵەتە عەرەبییەکان دەگرێت و پێشبینی دەکرێت بگاتە %17.9 دوای ئەویش جیبۆتی دێت کە گەشەی ئابووریەکەی دەگاتە %5 دواتریش مۆریتانیا دێت %4.8 گەشەی ئابووری دەکات، هاوکات عێراق بە پلەی حەوتەم دێت وگەشەی ئابوورییەکەی دەگاتە %4.0”.
بابەتی پێشتر

وەزیری بازرگانی بۆ ئێستا: بەشەخۆراكی مانگانە باشتردەكەین

بابەتی دواتر

سێ ئەندامی خێزانێك بە تۆمەتی تیرۆر لە سلێمانی دەستگیركران

بابەتی پەیوەندیدار
زیاتر ببینە

نرخی دۆلار دابەزی

نرخی دراوە بیانییەكان بۆ ئەمڕۆ شەممە 2ی کانونی دووەم، لە بازاڕەكانی هەرێم بڵاوکرایەوە، بەراورد بە دوایین نرخی دوێنێ،…
Total
0
Share