لەتیف رەشید و محەمەد شیاع سودانی كۆبوونەوە و جەخت لە ئەنجامدانی چاكسازی دەكەنەوە.
بەپێی راگەیەندراوی نووسینگەی میدیایی سەرۆك وەزیرانی عێراق، ئێوارەی ئەمڕۆ شەممە لەتیف رەشید سەرۆك كۆماری عێراق و محەمەد شیاع سودانی سەرۆك وەزیران كۆبوونەتەوە.
راگەیەندراوەكە دەڵێت، “لە كۆبوونەوەكەدا بارودۆخە گشتییەكانی سیاسی، ئابوری و ئەمنی گفتوگۆیان لەبارەوە كراوە و هەردوولا جەختیانكردووەتەوە لە پێویستیی یەكخستنی هەوڵی گشت دامەزراوەكانی وڵات بۆ بەدیهێنانی چاكسازی”.
سەرۆك كۆمار و سەرۆك وەزیرانی عێراق بە پێویستیان زانیوە “پشتیوانیی هەوڵەكان حكومەت بكرێت بۆ جێبەجێكردنی كارنامەكەی و باشكردنی خزمەتگوزارییەكان و كەرتی ئابوری و دەستەبەركردنی ژیانێكی شكۆمەندانە بۆ هاوڵاتییان”، وەك راگەیەندراوی نووسینگەی میدیایی سەرۆك وەزیرانی عێراق ئاشكرایكردووە.
