وەزارەتی کارەبای هەرێمی کوردستان ئاگاداری هاوبەشانی کارەبای بازرگانی لە سلێمانی دەکاتەوە، داوادەکات قەرزەکانیان پاکتاو بکەن ئەگەرنا کارەباکەیان دەبڕدرێت.
لە ڕاگەیەندراوێکدا وەزارەتی کارەبا ئاشکرایکردووە، “کارەبای سلێمانی ئاگاداری ئەو هاوبەشانەی شوێنە بازرگانی و پیشەسازییەکان دەکاتەوە کە بە بڕی پێنج ملیۆن دینار و زیاتر قەرزداری کارەبان بۆ پاکتاوکردنی قەرزەکانیان سەردانی بەڕێوەبەرایەتییەکە بکە”.
لە ڕاگەیەندراوەکەدا هاتووە، ئەو هاوبەشانە تەنها ماوەی 10 ڕۆژیان هەیە بۆ سەردانکردن و پاکتاوکردنی قەرزەکانیان، ئەگەر لەو ماوەیەدا قەرزەکانیان نەدەنەوە کارەباکانیان دەبڕدرێت.
