وتەبێژی پۆلیسی سلێمانی ڕایدەگەیەنێت، لەسەر دیارنەمانی ستوونی كارەبا، بەڕێوەبەری كارەبای دەربەندیخان دەستگیركراوە و لێكۆڵینەوەی ورد دەستیپێكردووە.
سەركەوت ئەحمەد وتەبێژی بەڕێوەبەرایەتیی پۆلیسی پارێزگای سلێمانی لە لێدوانێكدا بە تۆڕی میدیایی ئێستای ڕاگەیاند، لەسەر دیارنەمانی چەند ستوونێكی كارەبا، بەڕێوەبەری كارەبای دەربەندیخان دەستگیركراوە كە بەپێی ماددەی 316 لە یاسای سزادانی عێراقی دەستگیركراوە و لێكۆڵینەوە دەستیپێكردووە.
ئاماژەی بۆ ئەوەش كرد، بە بڕیاری دادوەر بەڕێوەبەری كارەبای دەربەندیخان دەست بەسەر دەبێت تا ئەو كاتەی دۆسییەكەی یەكلادەكرێتەوە.
