هەشتەمین فێستیڤاڵی هەنار و پایزی هەڵەبجە دەستیپێکرد و بڕیارە سێ رۆژ بەردەوام بێت.
پێش نیوەڕۆی ئەمڕۆ بە بەشداریی نزیکەی 400 باخەوان، جوتیار و دەستڕەنگین هەشتەمین فێستیڤاڵی هەنار و پایزی هەڵەبجە دەستیپێكرد.
دانا عەبدول، یەكێك لە رێكخەرانی فێتیسڤاڵەكە بە تۆڕی میدیایی ئێستای راگەیاند، ئەوەی خراوەتەڕوو زیاتر بەرهەمی خۆماڵی و ناوخۆییە كە خۆی لە (میوە، وشكە، شیرینی و كاری دەستی)دا دەبینێتەوە.
ئەوەشی وت، لەنێو ئەو شوێنانەی بەسەر بەشداربوواندا دابەشكراون، لە نیوە كەمتریان تەرخانكراوە بۆ هەنار، ئەودوایشی تایبەتن بە بەرهەكانی دیكەی پایزە و خۆماڵی و دەستی.
فێستیڤاڵەكە لە پاركی هەڵەبجە بەڕێوەدەچێت و سێ رۆژ بەردەوام دەبێت.
