بڕیارە لە ئەمڕۆوە نرخی لیترێک بەنزین لە شاری سلێمانی 50 دیناری تر دادەبەزێت و هۆکارەکەشی بۆ کەمی فرۆش دەگەڕێتەوە.
لەوبارەیەوە بەهمەن شێخ قادر وتەبێژی بەنزینخانەکانی سلێمانی ڕایگەیاند، نرخی هەر لیترێک بەنزین بە هەموو جۆرەکانییەوە لە کاتژمێر 4:00ی ئێوارەوە 50 دیناری تر دادەبەزێت.
ئاماژەی بەوەشکرد، هۆکارەکەی بۆ زۆری بەنزینی حکومی لە بازاڕ و کەمی فرۆش و بازاڕی بەنزینی بازرگانی دەگەڕێتەوە.
بە دابەزینی جارێکی دیکەی نرخەکەی، نرخی لیترێک بەنزینی نۆرماڵ دەبێتە کەمتر لە هەزار دیناری عێراقی.
