لەلایەن دادگایەكی عێراقەوە سزا بەسەر دوو ئەندامی داعشدا درا كە تۆمەتبارن بە بۆمبڕێژكردنی زیاتر لە 30 ئۆتۆمبێل.
ئەندامەكانی داعش لەكاتێكی پێشتردا لەلایەن هێزەكانی حەشدی شەعبییەوە دەستگیركرابوون.
راگەیاندنی حەشد ئاشكرایكرد، تۆمەتباران سەر بە ویلایەتی فەلوجەی رێكخراوە توندڕەوەكە بوون.
ڕوونیشیكردەوە، “تیرۆرستان بەشداربوون لە بۆمبڕێژكردن و زرێپۆشكردنی ئۆتۆمبێل، زیاتر لە 30 ئۆتۆمبێلیان زرێپۆش و بۆمبڕێژ كردووە و ئامادەیان كردووە بۆ تەقاندنەوەی بە هێزە ئەمنییەكاندا”.
بەپێی بڕیارەكەی دادگا هەردوو تۆمەتبار بە زیندانی هەتایی سزادراون.
