لە قەزای كفری باوكێك تەقەی لە كچەكەی خۆی كرد و كوشتی.
كچەكە ناوی ئیمان ئەحمەد شكورە و تەمەنی 15 ساڵ بووە، پێشنیوەڕۆی ئەمڕۆ دووشەممە لەلایەن باوكییەوە تەقەی لێكراوە و كوژراوە، دواتر بكوژەكە هەڵاتووە.
پەیامنێری تۆڕی میدیایی ئێستا لە گەرمیان، لە زاری شایەتحاڵەكانی ڕووداوەكەوە ڕایگەیاند، پاڵنەری كوشتنەكە دەگەڕێتەوە بۆ ناكۆكیی نێوان دایك و باوكی كچەكە، بەو پێیەی لە یەكتر جیابوونەتەوە و كچەكە لەگەڵ دایكیدا ژیاوە، بەڵام باوكی هەوڵیداوە بیباتە لای خۆی و بەهۆی قایلنەبوونی كچەكەوە، باوكی بە دەمانچە تەقەی لێكردووە و كوشتوویەتی.
وتیشی، تەرمی كچەكە لە نەخۆشخانەی كفری-یە و بڕیارە پاش كەمێكی دیكە ڕەوانەی پزیشكیی دادیی كەلار بكرێت و هێزەكانی پۆلیس لێكۆڵینەوە لە ڕووداوەكە دەكەن.
