لەبارەی كاری تاكسییەوە بڕیارێكی نوێ دەركرا و ناوچە كوردستانییەكانی دەرەوەی هەرێم دەگرێتەوە.
بەڕێوەبەرایەتیی گشتیی هاتوچۆی عێراق، بڕیاری دا كاركردن بە ئۆتۆمبێلی تایبەت وەك تاكسی قەدەغەبكرێت و سزای دارایی بەسەر سەرپێچیكاراندا دەسەپێندرێت.
زیاد قەیسی بەڕێوەبەری ڕاگەیاندنی هاتوچۆی گشتیی عێراق ئەمڕۆ دووشەممە ڕایگەیاند، دەیانەوێت كاری تاكسی و گواستنەوەی سەرنشینان ڕێكبخەنەوە و تەنها ئەو ئۆتۆمبێلانە سەرنشین بگوازنەوە كە تاكسین و ژمارەكانیان كرێن.
وتیشی، هەر ئۆتۆمبێلێكی ژمارە تایبەت بۆ كاری تاكسی و گواستنەوەی سەرنشین بەكاربهێنرێت، شۆفێرەكەی بە 100 هەزار دینار سزادەدرێت.
بەپێی بڕیارە نوێیەكەی بەڕێوەبەرایەتیی گشتیی هاتوچۆی عێراق، ئەو گۆڕانكارییە ناوچە كوردستانییەكانی دەرەوەی ئیدارەی هەرێمی كوردستان دەگرێتەوە.
