چین 15 نەخۆشخانە لە هەموو پارێزگاكانی عێراق جگە لە هەرێمی كوردستان دروستدەكات و كەركوكیش دەگرێتەوە.
بەپێی ڕێككەوتننامەی نێوان عێراق و چین، كۆمپانیاكانی چین وەبەرهێنان لە چەندین كەرتی خزمەتگوزاری و ژێرخانی عێراقدا دەكەن، لەوانە دروستكردنی پرد و ڕێگەوبان، نەوت، كارەبا، تەندروستی، پەروەردە و خوێندن و ئاو و ئاوەڕۆ.
حەیدەر مەجید وتەبێژی ئەمیندارێتیی گشتیی ئەنجومەنی وەزیرانی عێراق دەڵێت، “لە چێوەی ڕێككەوتننامەی نێوان عێراق و چین-دا، چەندین پڕۆژەی ستراتیژی جێبەجێدەكرێن و ئامادەكارییان بۆ كراوە”.
بەپێی وتەی حەیدەر مەجید، لە كەرتی تەندروستیدا چین چەندین پڕۆژە جێبەجێدەكات و 15 نەخۆشخانەی 200 قەرەوێڵەیی لە پارێزگاكانی عێراقدا دروستدەكات، لەگەڵ ڕاكێشانی هێڵی ئاسنین و بنیادنانی بەندەر و ڕایگەیاند، “وەزارەتی پلاندانان سەرگەرمی تەواوكردنی ڕێكارە كارگێڕی و ئەندازەیی و هونەرییەكانە لەگەڵ گەورە كۆمپانیا ناودارەكانی چین-دا بە مەبەستی جێبەجێكردنی ئەو پڕۆژانە”.
