بەپێی ئامارە ڕەسمییەكان ژمارەی دانیشتووانی قەتەر لە ساڵی ڕابردوودا بەڕێژەی 13.2% زیادیكردووە.
ئەمەش لەكاتێكدایە وڵاتەكە لە ئامادەسازیدایە بۆ میوانداریكردنی پاڵەوانێتی جیهانیی تۆپی پێ كە مانگی داهاتوو دەستپێدەكات.
ژمارەی دانیشتووانی قەتەر گەیشتە 2.94 ملیۆن پاش گەیشتنی نزیكەی 370 هەزار كەس لە ساڵی ڕابردوودا، بەپێی ئەو زانیارییانەی لە مانگی ڕابردوودا كۆكراونەتەوە و هەفتەی ڕابردوو لەلایەن دەزگای پلاندانان و ئامارەوە بڵاوكراوەتەوە.
كرێكارانی كۆچبەر و بیانی زۆرینەی دانیشتووان وڵاتەكە پێكدەهێنن، لەكاتێكدا ژمارەی دانیشتووانی قەتەر نزیكەی 380 هەزارە.
چاوەڕوان دەكرێت نزیكەی 1.2 ملیۆن گەشتیار سەردانی وڵاتەكە بكەن بۆ ئامادەبوون لە گەورەترین ڕووداوی وەرزشیی ئەمساڵ كە مۆندیالی تۆپی پێیە.
سندوقی نەختینەی نێودەوڵەتی پێشبینی دەكات ژمارەی دانیشتووانی قەتەر ساڵانە 1.2% كەمبكات و بگاتە 2.5 ملیۆن تا ساڵی 2027.
