ئۆنۆ شێنەر هونەرمەندی گۆرانیبێژ و میوزیكژەنی توركیا بەهۆی نەوتنی گۆرانییەوە لە یانەیەكی شەوانە لە ئەنقەرە كوژرا.
میدیاكانی ئەو وڵاتە بڵاویانكردووەتەوە، لەلایەن سێ كەسەوە لە یانەیەكی شەوانەی ئەنقەرە داوایلێكراوە گۆرانییەك بڵێتەوە، بەڵام ئەو هونەرمەندە گۆرانییەكەی نەزانیوە و ئامادەنەبووە داواكارییەكەیان جێبەجێبكات بەو هۆیەوە دەبێتە دەمەقاڵییان و هێرشدەكەنە سەر ئەو هونەرمەندە و دەیكوژن.
ئاماژە بۆ ئەوەش كراوە، هێزە ئەمنییەكان هەر سێ تۆمەتبارەكەیان دەستگیركردووە و لێكۆڵینەوە لە ڕووداوەكە دەستیپێكردووە.
ئۆنۆر، یەكێكە لەو هونەرمەندانەی لە توركیا هەوادارێكی زۆری هەیە و خێزانداربووە و باوكی كچێكە.
