بە تۆمەتی كڕین و فرۆشتنی چەكی بێمۆڵەت، دوو كەس لە ڕانیە دەستگیركران و پۆلیس باسی چەكەكانیان دەكات.
بەڕێوەبەرایەتیی پۆلیسی ڕاپەڕین ئاشكرایكرد، لە لایەن هێزەكانیان لە بەشی پۆلیسی نەهێشتنی تاوانی ڕاپەڕین و بە هاوکاریی بەشی پۆلیسی فریاكەوتنی ڕانیە، توانرا دوو تۆمەتبار بە ناوەكانی (ا. م. ص) لەدایكبووی ساڵی 2003 و (ئ. ح. ر) لەدایكبووی ساڵی 2004 دەستگیربکرێن كە مامەڵەی “كڕین و فرۆشتنی دەمانچەی علوجیان ئەنجامداوە”.
بەشی ڕاگەیاندن و پەیوەندییەكانی بەڕێوەبەرایەتیی پۆلیسی ڕاپەڕین دەڵێت، “لە كاتی دەستگیركردنی دوو تۆمەتبارەكەدا دەستگیرا بەسەر هەشت دەمانچەی توركیی علوجدا”.
ڕاشیگەیاند، “پەڕاوی لێكۆڵینەوەیان بۆ ڕێكخرا و دادوەر بڕیاریدا بە ڕاگرتنی تۆمەتبارانی ناوبراو بەپێی ماددەی 15ی چەك و لێكۆڵینەوە لەگەڵیاندا بەردەوامە”.
