نرخی خەڵووز بۆ بەرزترین ئاست بەرزبووەوە و هۆكارەكەی قەیرانی وزەیە.
نرخی یەك تۆن خەڵووزی بەردین بۆ سەرووی 200 دۆلار بەرزبووەوە و ئەوەش بەرزترین ئاستی 17 ساڵی ڕابردووە وەك كارگێڕیی زانیارییەكانی وزەی ئەمریكا دەڵێت.
كەمبوونەوەی گەیشتنی غازی سروشتی بە ئەوروپا، كەمبوونەوەی وزەی پێویست بۆ ڕووناكی و گەرمكردنەوەی لە وڵاتانی خۆرئاوای ئەوروپا لێكەوتووەتەوە و مەترسیی سەرهەڵدانی قەیرانێكی سەختی وزە هەیە لە زستانی داهاتوودا.
بۆ پڕكردنەوەی ئەو كەمییەی وزە، پەنادەبرێتەبەر خەڵووز و بازاڕی ئەو سەرچاوەیەی وزە جگە لە ئەوروپا، لە ئەمریكاش بووژاوەتەوە. ئاژنسی بلومبێرگ دەڵێت، “هێشتا خەڵووز سەرچاوەیەكی سەرەكییە بۆ كارپێكردنی وێستگەكانی بەرهەمهێنانی وزە لە ئەمریكا، گرانبوونی نرخەكەی فشار دەخاتەسەر خێزانە ئەمریكییەكان و وادەكات كرێی كارەبای زیاتریان بۆ بێتەوە”.
