دەستەی ڕووپێویی جیۆلۆجی، یەدەگی گۆگردی عێراقی ئاشكراكرد و بە سەدان ملیۆن تۆن خەمڵێندراوە.
بەپێی وتەی ئەحمەد تاڕق، بەڕێوەبەری بەشی وەبەرهێنانی كانزایی لە دەستەی ڕووپێویی جیۆلۆجیی سەر بە وەزارەتی پیشەسازی و كانزاكاری، عێراق خاوەنی 320 ملیۆن تۆن بەردی گۆگردییە كە پێویستییان بە پوختەكردنە بە مەبەستی دەرهێنانی گۆگردی پوخت لەو بەردانە.
بەشێك لە یەدەگی گۆگرد دەكەوێتە هەرێمی كوردستان و ئەحمەد تاڕق دەڵێت، دەستەكەیان كاردەكات بۆ ڕێكخستنی وەبەرهێنان لە سامانی كانزایی، بەڵام دەرامەتی پێویستی لەبەردەستدا نییە و پێویستی بە هاوكاریی وەزارەتی داراییە.
