پۆلیسی دارستانی سلێمانی پێنج کەسی دەستگیرکرد، کە پارچە زەوییەکیان لە ناحیەی سیتەک تەخت کردووە بەمەبەستی بەکارهێنان و دروستکردنی خانوو تێیدا.
لە ڕاگەیەندراوێکدا بەڕێوەبەرایەتیی پۆلیسی دارستانی سلێمانی ئاشکرایکرد، ئەو پێنج کەسە بە تۆمەتی بەتۆمەتى زیادەڕۆیی و بەکارهێنانى موڵکى گشتى دەستگیرکراون.
ئاماژە بەوەشکراوە، “تۆمەتبارەکان لە ناو ناحیەى سیتەک پارچە زەویەک کە موڵکى گشتییە بەئامێرى شۆفڵ تەختیان کردووە و بەنایاسایی هەوڵیانداوە خانووى تێدا دروست بکەن”.
پۆلیسی دارستانی سلێمانی ڕێگرییان لە کاری ئەو کەسانە کردووە و دەستیشیانگرتووە بەسەر دوو حەفارەدا کە کاریان پێکردووە.
پۆلیسی دارستان ڕایگەیاندووە، پەڕاوی لێکۆڵینەوە بۆ ئەو کەسانە کراوەتەوە.
