وتەبێژی بەڕێوەبەرایەتیی گشتیی پۆلیسی هەولێر ڕایگەیاند، کە تۆمەتبارێکیان دەستگیرکردووە، داواکراوبووە بە ماددەکانی تیرۆر و ماددەی هۆشبەر، ئەو تۆمەتبارە پێشتر ڕووبەڕووی هێزە ئەمنییەکان بووەتەوە و پێنج کەسی لێ بریندارکردوون.
لە کۆنگرەیەکی ڕۆژنامەوانیدا هۆگر عەزیز وتەبێژی بەڕێوەبەرایەتیی گشتیی پۆلیسی هەولێر ڕایگەیاند، ” هێزەکانمان لە هەولێر توانییان تۆمەتبارێکی زۆر مەترسیدار لەناو شاری هەولێر دەستگیربکەن کە چەندین کەرەستە و تەقەمەنیی پێبووە”.
وتەبێژی پۆلیس دەڵێت، “ئەو تۆمەتبارە تەمەنی 31 ساڵە و بە دوو مادەی 3ی تیرۆر و 30ی هۆشبەر داواکراوبووە”.
ئاماژەی بەوەشکرد، لەکاتی دەستگیرکردنی تۆمەتبارەکەدا دەستگیراوە بەسەر سێ دەمانچە، دوو نارنجۆک، ماددەی هۆشبەر لە جۆرەکانی جامایکا و حەبی ترامادۆڵ.
بەپێی وتەبێژی پۆلیسی هەولێر، ئەو تۆمەتبارە پێشتر چەند جارێک ڕووبەڕووی هێزە ئەمنییەکان بووەتەوە و لەو ڕووبەڕووبوونەوانەشدا پێنج ئەندامی هێزە ئەمنییەکان دەستگیرکراون.
