سەرۆكایەتیی شارەوانیی سلێمانی ڕایدەگەیەنێت، دەستكراوە نۆژەنكردنەوەی باخی گشتی و بە چاككردنی دەرگاكانی، ڕێرەو، نافوورە و سەوزاییەكانی باخەكە كە بەشێوەیەكی ڕاستەوخۆ شارەوانیی سلێمانی سەرپەرشتیی پڕۆژەكە دەكات.
بەپێی ڕاگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە بەردەوامی كاركردن لە نۆژەنكردنەوەی باخی گشتیی، دەستكراوە بە چاككردنی ڕێڕەوەكان، دەرگاكان، نافوورە و ڕووناكی و ڕازاندنەوەی زیاتری سەوزاییەكان.
لەڕاگەیەندراوەكەدا هاتووە، نۆژەنكردنەوەكە لەسەر ئەركی وەبەرهێنێك جێبەجێدەكرێت و سەرۆكایەتیی شارەوانیی سلێمانی سەرپەرشتیی دەكات.
