بەیانیی ئەمڕۆ بریندارێکی دیکەی ڕووداوی هاتوچۆکەی خەلەکان گیانیلەدەستدا، بەوەش ژمارەی گیانلەدەستدان بەهۆی ئەو ڕووداوەوە گەیشتە شەش کەس.
لە ڕۆژی 22ی ئەیلول ڕووداوێکی هاتوچۆ لە خەلەکان ڕوویدا و بەهۆیەوە پێنج کەس گیانیان لەدەستدا، کە چواریان خەڵکی ڕۆژهەڵاتی کوردستان بوون.
ئەمڕۆ یەکێکی دیکە لە بریندارەکانی ئەو ڕووداوە، کە ناوی عەبدوڵا ئەحمەدە دوای چوار ڕۆژ مانەوە لە نەخۆشخانە گیانیلەدەستدا.
ڕووداوی هاتوچۆکە لەنێوان بارهەڵگرێک و ئۆتۆمبێلێکی پیکاپ تۆیۆتادا بووە و بەو کەسەی ئەمڕۆ گیانیلەدەستدا ژمارەی گیانلەدەستدانی ڕووداوەکە گەیشتووەتە شەش کەس.
