سەرۆكی شارەوانیی سلێمانی لەگەڵ شاندێكی لیژنەی شەهیدان و ئەنفالكراوانی پەرلەمانی كوردستان كۆبووەوە و میكانیزمی دابەشكردنی 59 پارچە زەوی بەسەر خانەوادەی شەهیدانی سەنگەر و كاری بڕین بۆ 308 پارچە زەویی دیكە بۆ شەهیدانی شەڕی داعش گفتوگۆی لەبارەوە كرا.
بەپێی ڕاگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا ئەمڕۆ یەكشەممە، سەرۆكی شارەوانیی سلێمانی پێشوازیكرد لە شاندێكی پەرلەمانی كوردستان كە پێكهاتبوون لە سەرۆك و ئەندامانی لیژنەی شەهیدان و ئەنفالكراوان و مەبەستی سەرەكیی سەردانەكە بەدواداچوون بووە بۆ بابەتی زەوییەكانی تایبەت بە خانەوادە و وارسی شەهیدان و ئەنفالكراوان.
لە ڕاگەیەندراوەكەدا هاتووە، میكانیزمی دابەشكردنی 59 پارچە زەوی بەسەرخانەوادەی شەهیدانی سەنگەر باسی لێوەكراوە و وردەكاری كاری بڕین بۆ 308 پارچە زەوی بۆ شەهیدانی شەڕی داعش تاوتوێكراوە.
