بەهۆی پابەندنەبوون بە مەرج و ڕێنماییەكانەوە لیژنە هاوبەشەكانی قائیمقامییەتی سلێمانی دوكانی گۆشتفرۆشتنی ڕەنجە لە گوزەری بەلەدیەكە دادەخات.
ڕێكان جەمال، سەرۆكی لیژنە هاوبەشەكانی قائیمقامیەتی سلێمانی ڕایگەیاند، بەهۆی پابەندنەبوون بە مەرج و ڕێنماییەكانی كاركردن و هەبوونی قیمەی ئامادەكراو بە فەرمانی قائیمقامی سلێمانی دوكانی گۆشتفرۆشتنی ڕەنجە داخرا و خاوانەكەش ڕووبەڕووی ڕێكاری یاسایی كرایەوە.
ئاشكرایكرد، بە بڕیاری وەزارەتی كشتوكاڵ فرۆشتنی قیمەی ئامادەكراو قەدەغەیە و هەر دوكانێكی گۆشتفرۆشتن پێشتر قیمە ئامادەبكات ڕووبەڕووی ڕێكارە یاساییەكان دەكرێتەوە.
لە ڕاگەیەندراوەكەدا هاتووە، داوا لە هاوڵاتییان دەكەین لە دوكانەكانی گۆشتفرۆشتن قیمە ئامادەكراو نەكڕن، چونكە سەرچاوەی گۆشتەكە دیارنییە و نازانرێت ئەو گۆشتەی دەكریت بەقیمە چییە، لەهەرشوێنێكش هەبوو لیژنە هاوبەشەكان ئاگاداربكەنەوە.
