لەماوەی 24 كاتژمێردا 100 خوێندكاری خوێندنگایەكی سلێمانی گەیەندرانە نەخۆشخانەی منداڵان و تەندروستیی شارەكە دەڵێت، لیژنەیەك ڕاسپێردراوە بۆ بەدواداچوون.
بەڕێوەبەرایەتیی گشتیی تەندروستیی سلێمانی ڕایگەیاند، لە 24 كاتژمێری ڕابردوودا لە خوێندنگایەك لەناو شاری سلێمانی نزیکەی 100 خوێندكار بە حاڵەتی سکچوون و ڕشانەوە سەردانی نەخۆشخانەی دكتۆر جەمال ئەحمەد ڕەشید تایبەت بە منداڵانیان كردووە.
ئاشكراشیكرد، بەمەبەستی بەدواداچوونی ئەو حاڵەتە، بەڕێوەبەری گشتیی تەندروستی لیژنەیەکی تایبەت لە (چاودێری تەندروستی، یەکەی ئاو و تەندروستیی خوێندنگاکان)ی ڕاسپارد ڕاستەوخۆ بەدواداچوون بكەن بەمەبەستی دۆزینەوەی هۆكاری حالەتەكە و، نمونەی خۆراك و ئاو بۆ پشکنینی تاقیگەیی وەربگیرێت.
تەندروستیی سلێمانی ناوی خوێندنگاكەی ئاشكرانەكردووە.
