بەهۆی لەدەستدەرچوونی گولـلەوە، مێردمنداڵێكی دانیشتووی سنووری قەزای خانەقین گیانیلەدەستدا.
ڕووداوەكە لە گوندی توسكی سەر بە خانەقین ڕوویداوە، مێردمنداڵەكە بە تاپڕ تەقەیكردووە و گولـلەكە بەر جەستەی خۆی كەوتووە، بەو هۆیەوە تووشی خوێنبەربوون بووە و گیانیلەدەستداوە.
بەپێی وتەی سەرچاوەیەكی ئەمنی، تەرمی مێردمنداڵەكە گواستراوەتەوە بۆ پزیشكیی دادیی خانەقین بۆ توێكاری، هێزێكی ئەمنییش چوونەتە گوندەكە و لە شوێنی ڕووداوەكە لێكۆڵینەوە لەبارەی چۆنێتیی گیانلەدەستدانی مێردمنداڵەكەوە دەكەن.
