لەسەر كێشەیەكی كۆمەڵایەتی دوو كەس لە گوندێكی سەر بە ناحیەی قۆرەتوو بە برینداری گەیەندرانە نەخۆشخانە.
موقەدەم عەلی جەمال قدووری، بەرپرسی ڕاگەیاندنی پۆلیسی گەرمیان ڕایگەیاند، ئێوارەی ئەمڕۆ لە گوندی ساڵح ئاغا سەر بە ناحیەی قۆرەتووەوە دوو هاوڵاتی لە ڕەگەزی نێر گەیەندرانە بەشی فریاکەوتنی نەخۆشخانەی شەهید هەژار لە کەلار کە بەهۆی بەرکەوتنی فیشەکەوە بریندارببوون.
بە وتەی بریندارەکان لەگەڵ هاوڵاتییەکی هەمان گوند بەهۆی کێشەیەکی کۆمەڵایەتییەوە بەشەڕهاتوون و کەسی بەرامبەر بەچەک تەقەی لێیان کردووە و لەئەنجامدا هەردووکیان برینداربوون، موقەدەم عەلی جەمال وادەڵێت.
ئەوەشی خستەڕوو، لەئێستادا لە نەخۆشخانەی فریاكەوتن چارەسەر بۆ بریندارەکان دەکرێت، بەپێی ماددەی 405 بڕگەی 31 و بە بڕیاری دادوەریش فەرمانی دەستگیرکردن بۆ تۆمەتبار دەرچووە.
