سەرۆكى رەوتى سەدر داواى نووسینەوەى پەیماننامەیەكى “شەرەف و باوهڕداریی” و یهكێكی دیكهی سیاسى دەكات.
موقتەدا سەدر، ڕابەری ڕەوتی سەدر لە بڵاوكراوەیەكدا لە تویتەر باس لە “دەستدرێژیی بێشەرمانە بۆ سەر خوا و ئایین و پێغەمبەر و خۆشهویستانیان لەلایەن چەند هەرزەكارێكەوە دهكات”.
ئاماژەى بەوهشكردووە كە “ئەم هەرزەكارانە” دەیانەوێت ناو و ناوبانگى شۆڕشگێڕان، ڕیفۆرم، ئایین و مەزهەب بە پاڵپشتى هێزە دەرەكییەكان و چەند كەسایەتییەك لە ناوەوە، لهكهدار بكهن.
سەدر داواى ڕێكخستنەوەى نێوماڵى شیعه دەكات و دەڵێت، “بۆ بەرژەوەندیى گشتى ئەوە دەبینم كە بەزووترین كات نێوماڵى شیعه لە ڕێگەى ئەنجامدانى زنجیرە كۆبوونەوەیەكى چر بۆ نوسینەوەى پەیماننامەیەكى شەرەفى باوهڕداریی و یەكێكى دیكەى سیاسى، ڕێکبخەینەوە”.
بە وتەى سهرۆكی ڕهوتی سەدر، ئەم پەیماننامانە بۆ بەرزكردنەوەى ئاڵاى خودایە و لەسەر پەیڕەوى چاكسازى، یەكبوون و بێگەردیی دەبێت بەبێ بەشداریی گەندەڵكاران.
