هێزەكانی پۆلیس ژنێكیان دەستگیركرد لە ڕێگەی ئینتەرنێتەوە گێچەڵی بە كوڕ كردووە.
ئێوارەی ئەمڕۆ شەممە پۆلیسی فیدراڵیی عێراق ئاشكرایكرد، سێ كەس لە بەغداد دەستگیركراون كە یەكێكیان ژنێكە و لە ڕێگەی ئینتەرنێتەوە گێچەڵی بە كوڕێك كردووە و ناچاریكردووە پارەی پێبدات.
بەپێی ڕاگەیەندراوی پۆلیسی فیدراڵی، ژنەكە لە ناوچەی كازمییە لەسەر سكاڵای كوڕێك دەستگیركراوە و دەركەوتووە لە ڕێگەی ئینتەرنێتەوە گێچەڵی بە كوڕان كردووە بۆ ئەوەی پارەیان لێوەربگرێت.
پۆلیسی فیدراڵی دەڵێت، دوو تۆمەتبارەكەی تر یەكێكیان فێڵ و ساختەكاریی كردووە و هاوڵاتییانی فریوداوە، ئەوەی دیكەیان تۆمەتبارە بە لێدان و پەلاماردانی هاوڵاتییان و هەردووكیان بە فەرمانی دادوەر لە بەغداد دەستگیركراون.
