یاسین خدر پەرلەمانتاری گۆڕان لە پەرلەمانی كوردستان لە پەیامێكیدا بۆ مەسرور بارزانی سەرۆكی حكومەتی هەرێم دەڵێت، “بە قسە و پلانی خۆتان وادەردەكەوێت لەمەودوا گرنگی بە سەوزایی و ژینگە پارێزی بدەیت، ئەمە لەقسەكانتا بەدیدەكرێت، بەڵام بەداخەوە لەناو جەرگەی پایتەختەكەت بۆ پڕۆژەیەكی بازرگانی كە سەرمایەدارێكی تورك خاوەندارێتی دەكات 150 نەمامی بۆ پڕۆژەكە وشككرد”.
ئەو پەرلەمانتارە دەشڵێت، “ئیدی بابزانین بەڕێزتان ئەمە بەكردار جێبەجێدەكەن”!!
پەرلەمانتارەكە پێیوایە، ” هەولێر لە هەموو شوێنێك زیاتر پێویستی بە سەوزایی هەیە، داوا دەكات فریای هەولێر بكەون دەشڵێت، هەولێر چیتر پێویستی بەباڵەخانە نییە پێویستی بە سەوزاییە”.
