پۆلیسی سلێمانی دەستگیركردنی تۆمەتبارێك ڕادەگەیەنێت كە لەلایەن دادگای لێكۆڵینەوەی پیرەمەگرون داواكراو بووە.
بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی فەرمانێكی گرتن گەیشتە دەست هێزەكانی پۆلیس، لێكۆڵینەوەكان بۆ دۆزینەوە و دەستگیركردنی تۆمەتبار دەستیپێكرد، سەرەنجام توانرا تۆمەتبار لەلایەن مەفرەزەكانی بنكەی پۆلیسی هەواری شارەوە بدۆزرێتەوە و دەستگیربكرێت.
لەئێستادا تۆمەتبار (أ.ع.ع.) بە بڕیاری دادوەر و بەپێی ماددەی (289-298) لە یاسای سزادانی عێراقی ڕاگیراوە و لێكۆڵینەوە لەگەڵیدا بەردەوامە.
پۆلیسی سلێمانی ئەوەشی خستەڕوو، دوای تەواوكردنی ڕێكارە یاساییەكان ڕەوانەی دادگای ناوبراو دەكرێتەوە.
