ماسیمۆ ئالێگری گەڕانەوەی دی ماریای بۆ پێكهاتەی یانەكە ڕاگەیاند و دووركەوتنەوەی ڕابیۆ و لۆكاتیلیشی ئاشكراكرد.
ئالێگری جەختی كردەوە لەوەی كە ئەوان بەرامبەر ڕكابەرێكی بەهێز یاریی دەكەن كە 11 یارییە ئەنجامی ئیجابی بەدەستدەهێنن.
ئاماژەی بەوەشدا كە گرنگە بەشێوەیەكی هاوسەنگ یاریی بكەن و وەك یەك تیم ڕووبەڕووی قورساییەكان ببنەوە.
بەشێك لە قسەكانی ئالێگری
/ دی ماریا گەڕایەوە بۆ ڕاهێنانەكان، نازانم لە سەرەتاوە یاریی دەكات یان نا، ڕابیۆ و لۆكاتێلی ناتوانن یاریی بكەن، ساندرۆی بەرگریكاریش توشی بەركەوتن بووە.
/ بەنفیكا یاریزانی باشی هەیە و ڕاهێنەرێكی بەتواناش سەرپەرشتیان ئەكات، ئەوان 11 ئەنجامی ئیجابیان تۆماركردووە، نابێت تەركیز لەدەست بدەین.
/ كاتێك بە ئەنجام لە پێش دەبین پێویستە پارێزگاری لەو ئەنجامە بكەین و لە یاریكردن لەگەڵ تیپی بەرامبەر بەردەوام بین.
/ كوادرادۆ و دی چیلۆ و دانیلۆ ئامادەن بۆ یاریكردن
/ خواستمان هەیە یارییەكە زوو كۆتایی پێبهێنین، پێویستە بە باشی مامەڵە لەگەڵ دۆخەكەدا بكەین.
/ دڵخۆشم بەوەی دەبینم فلاهۆڤیچ باشتر دەردەكەوێت، ئەو یەكێكە لە باشترین سێ هێرشبەرەكان لە ئێستادا شانبەشانی هالاند و مباپی.
/ پێویستە هەموو یاریزانەكان ڕۆڵی خۆیان بگێڕن، پێویستە هاوسەنگ بین، وەك یەك تیم یاریی بكەین، دەبێت بەسەر قورسییەكاندا سەركەوین.
/ كاردانەوەی زیادەم هەبوو بەرامبەر ناوبژیوانی یاریەكەی سالێرینتینا، هیوادارم تەنها غەرامە بكرێم و سزا نەدرێم.
/ هیوادارم زۆر دورمنەخەنەوە، بە غەرامە چارەسەری دۆخەكە بكرێت.
