کاتژمێر 9:33 خوولەكی ئەمشەو، بومەلەرزەیەک لە ناوچەی شارەزوور ڕوویدا و لە ناحیەی زەڕایەن و دەوروبەری هەستیپێكراوە.
پشتیوان ئیبراهیم شارەزا لە كەشوهەوا و بومەلەرزە ڕایگەیاند، بومەلەرزەكە بەگوڕی 3.2 پلە بە پێوەری ڕێختەر بووە و لە قووڵایی 10 کیلۆمەتر لە ناخی زەوییەوە سەرچاوەی گرتووە. چەقی بومەلەرزەکە گوندی بێسەڵمێن بووە كە دەكەوێتە نێوان قەزای سەیدسادق و ناحیەی سیروان.
بەپێی وتەی ئەو شارەزایەی كەشوهەوا و بومەلەرزەزانی، بومەلەرزەكەی شارەزوور بە دووریی هەشت كیلۆمەتر لە ناحیەی سیروان، 15 كیلۆمەتر دوور لە سەنتەری شاری هەڵەبجە و 10 كیلۆمەتر لە دووریی سەنتەری سەیدسادق ڕوویداوە.
