پادشای نوێی بەریتانیا پرسە و سەرەخۆشیی خۆی بۆ كۆچی دوایی دایكی ڕاگەیاند و دەشڵێت، “گەورەترین خەمە بۆ من و هەموو ئەندامانی خێزانەكەم”.
پادشا چارلس-ی سێیەم، پادشای نوێی بەریتانیا لە ڕاگەیەندراوێكدا بۆ كۆچی دوایی شاژن ئەلێزابێسی دووەم، پاشا چارلسی سێیەم دەڵێت، “كۆچی دوایی دایكی خۆشەویستم خاوەن شكۆ شاژنە ئەلیزابێسی دووەم گەورەترین خەمە بۆ من و هەموو ئەندامانی خێزانەكەم و شیوەن دەگێڕین”.
ڕاشیگەیاندووە، “دەزانم تەواوی وڵات و هاوڵاتییان بۆ كۆچی شاژن نیگەرانن”.
ئێوارەی دوێنێ پێنجشەممە، شاژنە ئەلیزابێسی دووەم شاژنی بەریتانیا، لە تەمەنی 96 ساڵییدا كۆچی دواییكرد كە لە 21ی ئایاری 1926دا لەدایكبووە و ماوەی 70 ساڵ پادشای بەریتانیا بوو.
