وەزارەتی دەرەوەی ڕوسیا ئاشکرایکرد، لەبەردەم یەکێک لە دەرگاکانی باڵیۆزخانەی روسیا لە کابول تەقینەوەیەک ڕوویداوە و دوو کارمەندی باڵیۆزخانەکە کوژراون.
لە ڕاگەیەندراوێکدا وەزارەتی دەرەوەی ڕوسیا ڕایگەیاند، چەکدارانی نەناسراو بۆمبی چێنراویان لە دەرگای چوونەژوورەوەی باڵیۆزخانەی ڕوسیا لە کابول داناوە.
سەبارەت بە زیانەکان ڕایگەیاندووە، دوو لە کارمەندانی باڵیۆزخانەی ڕوسیا کوژراون و ژمارەیەک هاوڵاتیی ئەفغانیش کوژراون و برینداربوون.
بەپێی زانیارییە سەرەتاییە بڵاوکراوەکان، بەهۆی تەقینەوەکەوە 20 کەس گیانیان لەدەستداوە.
