چەكدارێك كە گوماندەكرێت داعش بووبێت و ماتۆڕسكیلی پێبووە، نارنجۆكێكی هەڵداوەتە بازگەیەكی هێزە ئەمنییەكان لە قەزای قەرەداغ.
بەپێی زانیارییەكان، كاتێك هێزە ئەمنییەكان هەوڵی دەستگیركردنیان داوە، چەكدارەكە تەقەیكردووە و بەهۆی تەقینەوەی نارنجۆكەكە و تەقەكردنەوە، هەشت كەس برینداربوون كە بەشێكیان كارمەندی هێزەكانی پۆلیس و ئاسایشن و دۆخی تەندروستیی یەكێك لە پۆلیسەكان ناجێگیرە.
پەیامنێرمان ڕایگەیاند، چەكدارەكە كە گوماندەكرێت داعش بێت، هەڵاتووە و خۆی لە ماڵێكدا حەشارداوە، ئێستا هێزەكانی ئاسایشی گەمارۆی ماڵەكەیان داوە و باس لەوە دەكرێت كوژرابێت، بەڵام زانیاریی پشتڕاستكراوە لەو بارەیەوە بەردەست نییە و هێشتا بە دروستی نازانرێت چەكدارەكە كوژراوە یاخود نا.
