وەزارەتی نەوتی عێراق بڵاویكردەوە، داهاتی نەوت بە ڕێژەی 5% لە مانگی ڕابردوو كەمیكردووە و هۆكارەكەشی كەمكردنەوەی ئاستی هەناردەی نەوت بووە سەرباری پابەندبوون بە بڕیارەكانی ئۆپێك بۆ زیادكردنی بڕی نەوتی هەناردەكراو.
بەپێی ڕاگەیەندراوێكی وەزارەتی نەوتی عێراق تێیدا هاتووە، لە مانگی ڕابردوودا داهاتی نەوتی فرۆشراوی عێراق 9 ملیار و 784 ملیۆن دۆلار بووە لە كاتێكدا مانگی تەمموزی ئەمساڵ داهاتی نەوتی فرۆشراو 10 ملیار و 368 ملیۆن دۆلار بووە.
لە ڕاگەیەندراوەكەدا هاتووە، سەرباری پابەندبوون بە بڕیارەكانی ئۆپیك تایبەت زیادكردنی بڕی نەوتی هەناردەكراو، بەڵام داهاتی نەوتی فرۆشراو لە مانگی ئابدا كەمیكردووە.
