ئاگر لە كەمپێكی ئاوارە ئێزدییەكان لە زاخۆ كەوتەوە و بەهۆیەوە 22 خێوەت سووتان.
پەیامنێرمان لە دهۆك پێیڕاگەیاندین، لە كاتژمێر 9:30 خولەكی بەیانی ئەمڕۆ ئاگر لە چەند خێوەتێكی كەمپی باجد كەندالا-ی ئاوارەكانی شەنگال لە سنووری ئیدارەی سەربەخۆی زاخۆ كەوتووەتەوە.
ئەوەشی وت، “بەهۆی ئاگركەوتنەكەوە 22 خێوەت بە تەواوی سووتاون”.
پاش نزیكەی كاتژمێرێك ئاگرەكە كۆنتڕۆڵكرا و هیچ زیانێكی گیانی نەبووە، وەك ئەوەی پەیامنێرمان ئاماژەی پێدا.
بەر لە نزیكەی دوو مانگ ئاگر لە هەمان كەمپی ئاوارەبووان كەوتەوە و بەهۆیەوە نزیكەی 20 خێوەت سووتان.
